പ്രിയപ്പെട്ട ഗായത്രി

നീയെഴുതിയതു കണ്ടിരിക്കുന്നു..
അവരങ്ങനെ പലതും ചെയ്യും
കണ്ടില്ലേ ക്രൗസ് ടോക്ക് എന്ന പേരിലെ  ട്വിറ്റർ... 
അങ്ങനെയെഴുതിയുണ്ടാക്കുന്നതും അവൻ തന്നെ
അതിനുപകരമായി നീ ചീപ്പ് ചീപ്പ് സ്വെറ്റ് റോസ്
എന്ന ട്വിറ്റർ ഐ ഡി ഉണ്ടാക്കില്ലയെന്നുമെനിക്കറിയാം..
ഗായത്രി നിന്നെയൊരു വഴക്കാളികുട്ടിയായി
പ്രദർശിപ്പിച്ചാലല്ലേ അവന്റെ 
പുതിയ ചായത്തിനു ഭംഗി കൂടുകയുള്ളൂ..
അതിനുവേണ്ടി ചെയ്യുന്ന നിലവാരമില്ലാത്ത പ്രകടനങ്ങളാണതെല്ലാം..
സ്നേഹമെന്നും പറഞ്ഞ് അറുപതിലെത്തിയവർ 
കാട്ടിക്കൂട്ടിയ കോപ്രായങ്ങളെ കൈയടിച്ചു പ്രോൽസാഹിപ്പിച്ചവരെ നമ്മൾ കണ്ടതല്ലേ ഗായത്രീ..
നീ തിരികെയെന്തെങ്കിലുമെഴുതിയാൽ കണ്ടിട്ടില്ലേ
സമയവും അതോടൊപ്പം പലരും ചുമന്ന മഷിയിൽ മുങ്ങിത്തോർത്തിവരുന്നത്
അവരപകടകാരികൾ എന്ന മുദ്രയുമതിലുണ്ടാവും..
ഇലക്ട്രിക്ക് പോസ്റ്റിലെ അപായചിഹ്നം ചുമപ്പിനെയോർമ്മിപ്പിക്കുക എന്നുമതിലുണ്ടാവും..


പിന്നെ പേ ശ്വാനന്മാർക്കെതിരെ നീയെഴുതിയ
 കമന്റ് അയാൾ ഡിലിറ്റ് ചെയ്തു
അതിൽ നിന്നു തന്നെ നിനക്കു മനസ്സിലാക്കാം ഗായത്രീ, 
ഇതിനുപിന്നിലുള്ളവരെ...
കതകിനു പിന്നിൽ നിന്നു കല്ലെറിയുന്നവർ
നമ്മൾ കതകു തുറന്ന് നോക്കിയാൽ
ഓടിപ്പോകുന്നതുപോലെ..
പേ ഡോഗ്സിനു കമന്റിടാനൊന്നും നീ പോകണ്ട
ഒരു ധൈര്യവുമില്ലാതെ പേയ്മെന്റിനു 
വേണ്ടിയെഴുതുന്നവരതു ചെയ്തോട്ടെ.
അതവരുടെ ഉപജീവനമാർഗം


പിന്നെ ഗായത്രീ,
നീയെന്നെ സഹായിച്ചതിനു വളരെയേറെ നന്ദി
കുറെ കല്ലുകൾ എന്റെ പവിഴമല്ലിപ്പൂവിലും വീണിരിക്കുന്നു..
പവിഴമല്ലിയാക്കല്ലുകളെ പേടിച്ചിനിയൊരുകാലത്തും വിരിയില്ലെയെന്നവർ കരുതിയിരിക്കാം
ഇന്നുമതു പൂത്തുവിടർന്നുനിൽക്കുന്നതു 
കാണുമ്പോൾ എനിയ്ക്ക് ഭൂമിയോടുള്ള പ്രിയം കൂടുന്നു..
നീയുമെഴുതിക്കൊണ്ടേയിരിക്കുക ഗായത്രീ
സ്നേഹപൂർവം
ഗൗരി...