ഒരു പുതിയ പ്രണയകാവ്യം

BY GAYATHRI

നിനക്കായി തൂവൽതൂലികയാൽ

ഞാനൊരു പുതിയ 
പ്രണയകാവ്യമെഴുതുന്നു..                              

നീ.....

അതിഭീകരൻ, ദുഷ്ടൻ

നീയെനിക്കേകിയ കയ്പുനീരിൽ

തേനൊഴുക്കിയിട്ടുമതിനു കയ്പുതന്നെ

അതിലെത്ര മധുരം പുരട്ടിയിട്ടുമതിനു
കയ്പു തന്നെ..

അതിനാൽ നിന്നെ കാണുന്നതേ

എനിയ്ക്കിന്നരോചകം...

നിന്നെകാണുമ്പോൾ

ചിലരെയോർമ്മവരും

മറ്റുള്ളവരെയില്ലായ്മ

ചെയ്യാൻ കുതന്ത്രം

കാണിക്കുന്നവരവർ..

ആദ്യം നീ, പിന്നീടഫ്ഗാൻ 

ഗുഹയിലൊളിപാർത്തവൻ

നിന്റെയനുഗാമി,

പിന്നീടൊരാൾ കൂടി

അതു നിന്റെ പ്രതിരൂപം

നാലുമടക്കിനിടയിലൂടെ

ലോകവാർത്തയിലുടക്കിയവൻ... 

ശിരസ്സിൽ കുരുക്ക് സൂക്ഷിക്കുന്നവർ...

നിനക്കിടയിൽ വീണുപോയ

എന്റെ ചെറിയ ഭൂമി 

ദൈവമേ! ഇതുപോലെയൊരു

ദുരവസ്ഥ

ഞാനൊരുകാലത്തുമറിഞ്ഞിട്ടില്ല

എല്ലാം ചെയ്തിട്ട്

നീയാഘോഷിക്കുന്നു..

അങ്ങനെ നീയാഘോഷിക്കേണ്ട

നീയേതു ഷോ കാട്ടിയാലും

നിന്റെ മുഖത്തെഴുതിയിട്ടുണ്ടാവും

അതിന്റെ കാപട്യം...

എന്റെ ഭൂമിയെ നീ ഫിനീഷ് ചെയ്തു

നല്ല സ്റ്റൈലിൽ 

നിനക്കിന്നൊരു പ്രതിഛായയുണ്ടോ

നിന്റെ ഷോ കണ്ടാളുകൾ ചിരിക്കും..

പക്ഷെ ഒന്നു പറയാം

ഇതിനിടയിൽ ലാഭം കൊയ്തെടുത്തു

ഒരാൾ

വെറുതെ കിട്ടും പ്രശസ്തിയാരെങ്കിലും

വേണ്ടെന്നു വയ്ക്കുമോ?

അതും ഇത്രയും പണമൊക്കെ

ഒരു ലീഗിൽ നിന്നുമെടുത്ത്

ആഘോഷപൂർവമായ

മൂന്നാം മധുവിധുവാഘോഷവും

നടത്തിയതിനു ശേഷവും കിട്ടുന്ന

മൂന്നാം കിട പ്രശസ്തി..

എന്റെ  ജീവിതത്തിനുപുറകേ 

കുറെ വർഷങ്ങൾ ആളെ കൂട്ടി
പടനയിച്ചില്ലാതാക്കാൻ

ശ്രമിച്ച നിന്റെയിന്നത്തെ

പ്രകടനങ്ങൾ കാണുമ്പോഴും

അതു മുന്നിലോട്ടിട്ട്

പരീക്ഷണങ്ങൾ നടത്തും

മഷിപ്പാടുകളെ കാണുമ്പോഴും

മനുഷ്യകുലമെന്നതിങ്ങനെയോ

എന്നു തോന്നിപ്പോകുന്നു..

നിന്നെയോർക്കുമ്പോൾ

ഇന്നൊരു കയ്പ്

എത്രമധുരത്തിൽ മുക്കിയിട്ടും

വീണ്ടും നിറയുന്ന കയ്പ്..
നിന്നോടു മാത്രമായി
ഒരു സത്യം  പറയാം
നിന്നെ ഞാനൊരുനാളിലും

മറക്കില്ല...
നീ  സ്വസ്തികമുദ്രചാർത്തിയ
നാസിപ്പടയുടെ ഹിറ്റ്ലർ....