അസൂയ തോന്നേണ്ടതെന്തിനോട്????

അസൂയ തോന്നേണ്ടതെന്തിനോട്???

അസൂയ തോന്നേണ്ടതെന്തിനോട്???
മൂടൽമഞ്ഞിനോടോ
മുടന്തി വീണ പകലിനോടോ
കറുപ്പാർന്ന രാത്രിയോടോ
മുഖം മിനുക്കിയ മിഥ്യയോടോ
മഷിപ്പാത്രങ്ങളോടോ
ചതുരംഗക്കളങ്ങളോടോ
മൂടുപടമിട്ട മുഖങ്ങളോടോ
ഉടഞ്ഞവീണ ചില്ലുപാത്രങ്ങളോടോ
ചായം തേച്ച നാട്യത്തോടോ
നാടകക്കളരിയോടോ
പണപ്പെട്ടികളോടോ
പരിഹാസ്യമായ പരസ്യപ്പലകളോടോ
മുഖം നഷ്ടമായ പുഴയോടോ
മറയിട്ട  മനസ്സിനോടോ
വേഷം കെട്ടുന്ന മാന്യതയോടോ
എഴുതി നിറയ്ക്കുന്ന കല്പനകളോടോ
അഴിമതിക്കൂട്ടത്തോടോ
കുടപിടിക്കുന്ന കുലത്തോടോ
കൂട്ടം തെറ്റുന്ന നന്മയോടോ
എഴുതുന്ന വാക്കുകളോടോ
പറഞ്ഞാലും നീ....
അസൂയതോന്നേണ്ടതെന്തിനോട്????

തോന്നുന്നുണ്ടല്പം അസൂയ
അത് നിന്നോടല്ല
നിന്റെ പ്രകടനങ്ങളോട്
അഭിനയത്തോട്
അത്രയ്ക്കഭിനയിക്കാനാവാത്ത......
ഭൂമിയുടെ അസൂയ..