നെയ്ത്തുശാല

നെയ്ത്തുശാല

അവൻ കെട്ടിയ എട്ടുകാലിവലകൾ
എന്റെ ഭൂമിയുടെ രക്തമൂറ്റിക്കുടിച്ചു
എന്നിട്ടും അവനു തൃപ്തി വന്നില്ല
അവന്റെ സ്തുതിപാലകരും നെയ്തു
അനേകം വലകൾ
അവനു മതിയായില്ല.
മഷിതുള്ളികളും
പണിതു കുരുക്കു വലകൾ
വലകളനേകം നെയ്ത
അവനൊടുവിൽ ഒരു
ചായക്കോപ്പയിൽ ചെന്നുവീണു
അവിടെ മുങ്ങിതാഴുമ്പോഴും
അവന്റെ മനസ്സിൽ
ഭൂമിയെ കുരുക്കാനുള്ള
പുതിയ വലയെങ്ങനെ
പണിയുമെന്ന
മഹാവ്യാധിയായിരുന്നു
അവനെന്തിന്റെ കേട്
ഞാനെന്റെ ഭൂമിയോടു ചോദിച്ചു
എന്റെ ഭൂമിയെന്നോടു പറയുന്നു
അവന്റെ ഹൃദയം
വലയങ്ങളുടെ നെയ്ത്തുശാല...