അപകടങ്ങളിൽ നിന്നുള്ള
സുരക്ഷയ്ക്കായി
ദൈവമേ!
ഞാൻപ്രാർഥിക്കാതിരിക്കട്ടെ
അവയെ നേരിടാനുള്ള ഭയമില്ലായ്മ
ഞാനാഗ്രഹിക്കട്ടെ
എന്റെ വേദനകളെയൊക്കെയും
നിവാരണം ചെയ്യാൻ
ഞാനർഥിക്കാതിരിക്കട്ടെ
അവയെ കീഴടക്കാനുള്ള
ഹൃദയാർജ്ജവം മാത്രം ഞാനാഗ്രഹിക്കട്ടെ
ജീവിതസാഗരത്തിൽ
അനുയായികളെ ഞാൻ തിരയാതിരിക്കട്ടെ
സ്വന്തമായി നിൽക്കാനുള്ള കരുത്ത് ഞാൻ
കാംക്ഷിക്കട്ടെ
സ്വയരക്ഷയ്ക്കായി ആകാംക്ഷാപൂർവം
ഞാൻ കൊതിക്കാതിരിക്കട്ടെ
സ്വാതന്ത്ര്യം നേടാനുള്ള ക്ഷമ മാത്രം
ഞാനാഗ്രഹിക്കട്ടെ
വിജയങ്ങളിൽ മാത്രം
നിന്റെ കാരുണ്യം തേടുന്ന
ഭീരുവാതിരിക്കാൻ
ദൈവമേ എന്നെയനുഗ്രഹിച്ചാലും
പരാജയങ്ങളിൽ നിന്റെ കരങ്ങൾ
എന്നെ ഗ്രഹിക്കുന്നത്
ഞാനെപ്പോഴും തിരിച്ചറിയട്ടെ...
No comments:
Post a Comment