പ്രണയമുഖങ്ങൾ

ഒരാളോടുള്ള പ്രതികാരം തീർക്കാൻ
വേറൊരു സ്ത്രീയെ തേടിപ്പിടിച്ച്
പ്രദർശിപ്പിച്ചുപയോഗിക്കുന്ന
പ്രണയം പ്രതികാരപ്രകടനപ്രണയം
ദേഷ്യം തോന്നുമ്പോൾ
പരിഭാഷയുടെ താളിൽ
സർപ്പങ്ങളെയും, നായ്ക്കളെയും
പിച്ചക്കാരെയും മേയാൻ വിടുന്ന
പരിഭാഷകന്റെ പ്രണയം
സംസ്ക്കാരരഹിതപ്രണയം
ഒരാളെയില്ലായ്മ ചെയ്യാൻ
അയാളുടെ വീടതിക്രമിച്ച്
കയറി പിന്നെയൊളിക്യാമറയിൽ
പകർത്തിയൊടുവിൽ
ഭീഷണിപ്പെടുത്തിയാൾക്കാരെകൂട്ടിയപമാനിക്കുന്ന
പ്രണയം ഭീരുക്കളുടെ പ്രണയം,
ബോളിവുഡ് കൊടും വില്ലന്മാരുടെ പ്രണയമെന്നും
അതിനെ വിളിക്കാം..
പ്രണയം പുഴയിലെ കയങ്ങൾപോലെയാവരുത്
പുഴ പോലെ വളഞ്ഞും തിരിഞ്ഞുമൊഴുകരുത്
ബോളിവുഡ് മൂവിപോലെയൊരു
നാടകമാവരുത് പ്രണയം....
പ്രണയിക്കേണ്ടത്
മനുഷ്യന്മാരെപ്പോലെയാവണം
അതിനാദ്യം വേണ്ടത് ഹൃദയം..
പിന്നെ മനസ്സാക്ഷി..
രണ്ടുമില്ലാത്തവരുടെ
കൈയിലനേകം
പ്ലാസ്റ്റിക്ഹൃദയങ്ങളുണ്ടാവും..
പലർക്കുമേകാൻ
ആ പ്രണയത്തിന്റെ പേരന്താണാവോ???