Sunday, March 20, 2011

അവനാരായിരിക്കും


തെരുവിലിരുന്ന്
മുറിവുണക്കുന്ന അവനാരായിരിക്കും?
കവിയെന്നു സ്വയം പറയുന്നുമുണ്ട്
അവന്റെ കവിതവായിച്ച്
തലയ്ക്കുള്ളിലിന്നലെ തീകത്തി
വായിച്ച മിഴിയിലുമൊഴുകി രക്തം
കാഞ്ഞുണങ്ങിയ
കാഞ്ഞിരമരത്തിന്റെ
കയ്പു പോലെയൊഴുകുന്നു
തെരുവിലവന്റെ കവിത
പിന്നെയെഴുതിയിട്ടതിനു
ഗന്ധകത്തിന്റെ രൂക്ഷഗന്ധം
മുറിവിന്റെ മണം...
തെരുവിലിരുന്ന്
മുറിവുണക്കുന്ന അവനാരായിരിക്കും
കവിയെന്ന് സ്വയം പറയുന്നുമുണ്ട്
മുറിവിൽ മുക്കി
ചിത്തഭ്രമക്കാരനെപ്പാലെ
കവിത തുപ്പുന്ന
അവനാരായിരിക്കും????

1 comment: