മിഴിയിലൊളിപ്പിക്കാൻ
എവിടെയൊരു വാക്ക്?
മഷിയാൽ തൂത്തുലച്ച മൗനമേ നീയും
മൊഴി നഷ്ടമായൊരാരവത്തിനിടയിലൂടെ
മാഞ്ഞുപോകുന്നുവോ
അന്വേഷണത്തിനവസാനമൊരാധികാരിക
ശിലയിൽ കോറിയിടാം
മറഞ്ഞ ഋതുക്കളുടെ കരിഞ്ഞ
സ്മൃതിപത്രങ്ങൾ
മിയാഗിയുടെ ബാക്കിപത്രങ്ങളിൽ
ഭൂമിയുടെയുലഞ്ഞതുണ്ടുകളിലെ
മുറിവുകളിൽ
കണ്ടതേത് ദ്വീപ്?
ഉദയസൂര്യന്റെ രാജ്യമേ
അന്നവിടെയസ്തമയമായിരുന്നുവോ
ആരണ്യകങ്ങളിലൂടെ
നടക്കുമേകാകിയുടെ
മിഴികളിൽ കണ്ടതൊരു
കവിത മാത്രമായിരുന്നുവോ?
No comments:
Post a Comment